شجرة التوت

امسك حرامى التوت انتى يا بت يا حراميه انت يا واد انت وهى بلاش سرقه انزل يا واد من على الشجرة التوت يا واد يلا يا ابنى انزل

حانزل حانزل

بس بلاش ضرب بالعصايا يا عم محمد بعد الجرى هنا وهناك ورا العيال بالعصايا يمين وشمال قفل عم محمد باب المدرسه

وتانى يوم رجعنا المدرسه عادى بس لازم نعمل خطه علشان نعرف نسرق التوت يعنى ايه مش حنعرف ناكل توت والا ايه

وبعد اجتماع عيالى على مستوى عالى عيال بتراقب عم محمد وعيال تانيه بتشترى منه عسلييه وبعدين بدانا السرقه بثلاثه طرق اما

نهز الشجرة لغايه ما التوت ينزل او برمى الطوب على التوت او بتسلق الشجرة المهم ان التوت يختفى على طول تعمل ايه لازم يختفى

بسرعه روحنا على الاحواض بتاعه الميه كل واحد ماسك حوض واخد شويه توت وغسلهم وفتح بؤة هم هم هم الله طعمه حلو اوى اوى


اوى احلى من العسلييه بتاع عم محمد واستمرت سرقه التوت كل يوم فى المدرسه مرة ننجح ونسرق التوت ومرة لالالا ومن ساعتها

ما اكلتش توت ونفسى ارجع اكله تانى امسك حرامى التوت

فرنكات يا عم جلجل

طالع سلالم و نازل سلالم يا عم جلجل ولسه بتجلجل ولسه بتجلجل ولسه بتجلجل
بالفرنكات والملاليم والقروشات والصاغات وربع جنيهات جلجل يا عم جلجل
اصل انت عليك شويه حركات لما بتجلجل لما بتجلجل لما بتجلجل يا عم جلجل
بتخلى قلبى بيك مجلجل مجلجل مجلجل اصل صوت فرنكاتك عالى بيسمع الناس فى العلالى
خاف على قلبى يا عم جلجل من صوت فرنكاتك لما تجلجل يا عم جلجل يا عم جلجل

وفيها ايه ايه ايه لما اجلجل لما اجلجل اصل انا جيبى بيشخشخ زى الصاجات ما انا طالع سلالم و نازل سلالم ومعايا شويه فرنكات بعمل بيهم شويه حركات العب بيها بدل ما تضيع فى المواصلات

سوف اجدك

سوف ابحث عنك فى انحاء العالم حتما ساجدك حتما حتما ساجدك حتما لو رايت النور يشع من داخلى معنى ذلك انى اجدك حتما اجد نورك داخلى لو رايت الدمع يزول من اعيونى معنى ذلك انى اجدك حتما اجد بريق حيك فى عينى لو رايت الحزن لو رايت الحزن لو رايت الحزن ذ اب ذ اب ذ اب مثل ذوبان الثلج من اعلى جبل معنى ذلك معنى ذلك اننى رايت السعاده اننى رايت السعاده عندما اجدك اجدك اجدك حتما ساجدك حتما ساجدك حتما ساجدك حتى فى الخيال

عم شحنون الصدر الحنين الحنون

سرقت عده التليفون اصل انتو عارفين مشاكل الفاتورة الايام دى مش عارفه الواحد ما طلعش شاطر ليه واشترى كام سهم من بتوع المصريه للاتصالات كان زمانى بقول اتكلم ارضى يا ابن بلدى بس خلى تليفونك يقاه عندى
كلمت بقاه عم شحنون الصدر الحنين على طول وزى العاده قالى بقالك شهرين مش بتكلمينى يا بت يا بتول
اخبارك الايام ده ايه؟ قولتلو بدل ما اشترى سهمين من بتوع المصريه اقدم فى المنحه بتاعه( اى سى دى ال ) بقاه ااااااهو الواحد يطلع بحاجه بقاه من كتر الفواتير اللى بيد فعها !!!!!!!!!!! طبعا انا مكدبتش خبر وقدمت بقاه يلا ؟ايوة يا عم شحنون!!! من غيرما تسال حتقولى قدمتى ليه؟ انا قولت يا عم شحنون بيقولو اصل( اى سى دى ال )حتبقى من ضمن مصوغات التعدين تعدين ايه يا بت يا بتول اه اه اه انت متعرفش انها من مصوغات التعدين والصدا ده بقاه مشهور اوى الايام ده!!!!!! علشان تكون ممنوع من الصدا !!!!!!!! يا عم شحنون اللى حصلك من بعد ما اتخرجت ؟؟ ماشى يا بت يا بتول انا فهمت فصدك المجنون !! بتعجبنى دايما يا عم شحنون !! وانت مركز على المضمون !!! اه اه ايه ايه مالك اصل نسيت اقولك على اللى حصلى منها تحب تسمع يا عم شحنون شويه كلام مش فى المضمون !!!! اه اه اه ايامى الجايه( اى سى دى ال ) هما سبعه اخر شقاوة احلى من البقلاوة ,,,, اولها,,,,,,, الوورد ورده ورود الهوى ... وتانيها..... النت واحد نت نت شقى جدا فت فت
يدخل التالت عليهم اصله باور كله طاقه لكن كل شويه يعمل بوينت مع حد حنقوله ايه غاوى مشاكل مع عبد الشاكل بعدين دخل عليهم اى تى كل ما تقوله أآ آى آ أآى يقولك انا تى يعنى شاى يدخل عليهم الاكسيس طول النهار يقولك اكسيس وادعيلى يا مان اصلى انا الترجمان اما الاكسيل كان شغال مع مستر اكس وصاحبته يل اخرهم اوتلوك كل شويه يلوك يلوك شوفت اللى حصلى منهم!!!!!!! يا عم شحنون!!!! بالذمه مش شى مش حنون !!!!! يا عم شحنون!!! اصل ما فيش غيرك الصدر الحنين الحنون

غربه الاهل

دلوقتى احنا عايشين فى غربه ؟ حتى وسط اهلنا محدش عايز يسمع حد تحس انك عايش لوحدك و انت وسط الناس بدور على نفسك
فى مقوله بتقول تتكلم عن نفسك اسمعك تكلم عن نفسى احبك حتى انك تلاقى حد يسمعك صعب اوى دلوقتى ؟ يمكن على المدونه ممكن يتحقق

سبحانه وتعالى حمد نفسه على لسان الحامد (الحمدلله)

اول يوم ليه على المدونه بعد حاله من الخوف والشك من كل حاجه فى الدنيا حسيت ان فى ناس حقيقيه بجد بتكلم عن نفسها بصدق مش كل الناس كدابه زى ما كنت اعتقد فكرت اعبر عن نفسى بصدق وامل فى بكرة